Mikrokredituak Mozambikeko nekazarientzat

Zure ekarpena mikrokreditu batean bihurtzeko aukera izango duzu!

Marrupa distritua, munduko 10 herrialde pobretuenen artean dagoen, Mozambike iparraldean kokatzen da. 58.700 biztanle ditu eta bizi itxaropena 55 urtekoa da. Nekazaritza ekintza nagusi den eskualde honetan, familia asko urtean 100€ izatera ere ez dira iristen.

ZERTARAKO ERABILTZEN DA KREDITUA

Jasotako dohaintza Mozambike iparraldeko nekazariei kreditua emateko erabiliko da. Kreditu honen bidez nekazariek lurrak landu eta ureztatzeko behar duten materiala erosi ahal izango dute baita lurra ereiteko behar duten hazia ere. Behin uzta jasotakoan kreditua itzuli beharko dute. 2016an Mundukidek 80.000 nekazariri eskaini dio laguntza Mozambiken.

NOLA EGIN EKARPENA

  •  Ekarpena LABORAL Kutxako edozein bulegotan egin dezakezu. Bertan aurkituko duzun esku orria bete ondoren eskatu ekarpena Mundukideko kontura ingresatzeko eta badagokio ordena sortzeko.
  • Edo eta Laboral Kutxako ES54 3035 0002 56 0010122192  k0ntura ekarpena eginez.

 TUSHA BEZALAKO PERTSONENTZAT MIKROKREDITUAK 

Tusha Balamako nekazari bat da, alarguna, bere zaintzapean hiru seme-alaba dauzkana. Nekez lortzen dute, euri garaian, behar adinako arto saila ereitea urte guztirako jana edukitzeko. Ezustekoren bat gertatzen bada, alegia, euri gutxi, gaixotasunen bat… odisea bat bihurtzen da gosea pasatu barik egotea.

Inguruko labore tradizionalak kontuan hartuta eta emakumeengan pentsatuta, Mundukidek sesamoaren laborantza jarri zuen martxan. Sesamo hazia oso estimatua da barne eta esportazio merkatuan; gainera, ez du esfortzu fisiko handirik eskatzen ez lurra prestatzean ez uzta bildu arteko prozesu osoan.

Horretarako, Mundukidek laguntza teknikoa ematen die nekazariei, ezer oparitu barik baina. Horrek esan nahi du interesa daukatenek inbertitu egin behar dutela haziak eta lurra lantzeko materiala erosteko. Hor sartzen da, hain zuzen ere, mikrokredituen programa.

2002an hasita, 20 euroko zenbatekoa ematen zen urte baterako, eta dirutan nahiz jenerotan itzul zitekeen. Konpromisoak betetzen baziren, emandako zenbatekoak handitu egiten ziren; horrez gain, familiartekoak eta lagunak gomendatu eta horiek hartzaile izateko aukera ere hor zegoen.

2009tik hona, nekazaritzako jarduerak finantzatzeko ematen da kreditua, hau da, haziak, ongarria, laborantzarako tresnak eta halakoak erosteko, eta azken urteetan areagotu egin dira ureztatze sistemak eta bereziki motoponpak erosteko kredituak.

2011tik aurrera, mikrokredituen programan, onuradunen %50etik gora emakumeak dira, izan ere, kopuru osoaren %55 jasotzen dute ia. Tusha bezalako emakumeek haziak eta beharrezko materiala erosteko mikrokreditu bat jasotzen dute, eta uzta saldu ostean itzultzen dute.

2015ean 46.000 € eman ziren guztira mikrokreditutan. Horri esker, 134.472 €-ko intsumoak erosi ziren, produkzioan 4.000.000 € bihurtu zirenak. Kopuru horretatik 500.000 €, 2.200 hektareatan landutako sesamo produkzioari zegozkion.

 Etorkizunera begira, erronka zera da: kreditua programan hasten diren nekazari berriei bakarrik ematea, eta beteranoak kontzientziatzea aurreko kanpainan lortutako zati bat aurreztu dezaten, hurrengo urteko erosketak egin ahal izateko. Eta hala, mendekotasuna txikitzea eta nekazarien autonomia sustatzea.

ERRENTA AITORPENEAN KENKARIA

%20 eta %75 arteko kenkaria izan dezakezu zure Errentaren gaineko aitorpenean.

Informazio gehiago nahi izanez gero, deitu 943772010 telefonora  edo uurizar@mundukide.org helbidera.

www.mundukide.org

 

 

MUNDUKIDEren sare sozialetan esandakoak

  • Mundukide en Mozambique
  • Mundukide en Mozambique
  • O churrasco
  • Mistica e simbologia MST