Kale kantoiko akordeoijolea

Mundukide- Kooperazio kooperatiboa

Armoniaren, erritmoaren, melodiaren arauen araberako hots-konbinaketa omen musika ; akordeoijole bat kale kantoian. Ordea, letren, hitzen, esaldien eroale ere izan daiteke eta gisa horretara baliatu nahi lituzke Mundukidek Humanity at music proiektuaren uhinak.

Iparraldearen eta hegoaldearen arteko egiturazko desberdintasunen erantzule garen neurrian, hegoaldeko hainbat herrialdetan dihardugu kooperatibagintzan oinarrituriko lankidetza sustatzen  (Ekuadorren, Kolonbian, Brasilen, Mozanbiken…) eta egitasmo horietako askoren sorreran esku hartu arren, tokian tokiko proiektu autokudeatuak garatzea lehenesten dugu.

Finean, parekidetasunaren alde jardutera konprometitutako elkartea da Mundukide ; arraza, klase edota genero bereizkeriarik gabeko gizarte justuago baten eraikuntzan diharduena, izan inguru hurbilean zein haragoko eremuetan. Oholtza handietan lekurik ez duten ahots eta doinuetan fokoa jartzen saiatzen den fundazioa, hala nola, kale kantoiko akordeoijolearengan.

 

MUNDUKIDEren sare sozialetan esandakoak

  • O churrasco
  • Cooperativistas de MONDRAGON en cooperación con Mundukide
  • Cooperativistas de MONDRAGON en cooperación con Mundukide
  • Voluntarios de LKS auditores colaboran en el proyecto de Marrupa