Africa Basque Challenge, Keniako eta Euskal Herriko gazteak elkartuaz

 

NAIROBIKO ETA EUSKADIKO BERRIKUNTZA DIGITALEKO EKOSISTEMEN ARTEAN EKINTZAILETZA SUSTATZEKO EGITASMOA DA BBC

 ABC “Mind the gap” lehiaketa, berez, landa komunitateen garapen inklusiboa sustatzeaz gain hiri munduaren eta landa munduaren arteko desigualtasunak murrizten laguntzen duten egitasmo sozioenpresarialak garatzen laguntzea xede duen programa bat da.

MUNDUKIDE, LKS, Mondragon Team Academy, PLO Lumumba Foundation, The Management University of Africa eta Freedom Farms Limited, besteak beste, Bizkaiko Foru Aldundiarekin batera, kolaboratzen ari dira kulturartekotasunaren bidez lankidetzan diharduten gazteek kosortutako errealitate sozioenpresarial berriak sustatzen.

ABCren lehen edizio honetan –datozen urteetan ere errepikatzeko asmoarekin jaio baita egitasmoa–, Africa Basque Challenge (ABC) erronkarako aukeratu den gaia “Mind the gap” da, hots, hiri munduaren eta landa munduaren arteko desigualtasunak murrizten lagunduko duten egitasmo sozioenpresarial digitalak garatzea.

Dagoeneko badauzkagu Euskadiko 20 parte hartzaile eta Kenyako 20, kulturarteko 11 taldetan kosorkuntzan arituz eta euren artean lehiatuz, inpaktu sozial sostengarririk handieneko proposamenak nork landuko. Hautatutako gazteak Nairobin eta Bilbon kosorkuntzan jarduteko diruz lagundutako ekintzailetza prozesu batean sartu dira. Kenyako eta Euskadiko talde mistoetan kosorkuntzan aritzeko jarduera honek berdintasunetik birdefinitzen ditu ipar – hego harremanak, desigualtasunaren arrakala gainditzea helburu: “Mind de gap”.

Prozesuari hasiera emateko, azaroaren bukaeran topaketa bat izan zen Nairobin (Kenya), non, prestakuntza, aurkezpen, dinamika eta enpresa interesgarrietara egindako bisitaldiez gain, taldeak osatu ziren, eta lantzen ari diren proiektuak zirriborratu.

BILBON OTSAILAREN 11-15 ASTEAN

Otsailaren 11tik-15era berriz,  Bilbon bildu dira Topaketa egiteko. Bertan, taldeak beren proposamenak amaitzen ari dira, eta erakargarri bihurtu, edo, are gehiago, liluragarri bihurtu, inbertsiogile posibleen panel gisara osatutako epaimahai baten aurrean.

MUNDUKIDE irailetik ari da parte hartzen proiektuaren sorkuntzan eta bi topaketon antolaketan. Nairobiko bileretan izan genuen parte hartzearen ondorioz, gure lana honetan datza: osatutako kulturarteko 11 taldeen arteko batzuei lagun egitea, eta, aldi berean, Afrikako herrialdeetan kooperatzeko aukerei buruzko informazioa biltzea.

OTSAILAK 15 SARI BANAKETA

Otsailaren 15ean, talde irabazleak 15.000 €-ren sari bat jasoko du bere proiektua plazaratzeko; gainera, 6 hilean zehar esperientzia handiko aholkulari baten laguntza edukiko du. Horrez gain, parte hartzen duten talde guztiek ekintzailetza ikastaroak edukiko dituzte urtebetean, IBMren babespean. Prozesu osoan zehar, adituen laguntza izango dute proiektu bakoitzaren arloan, ideiaren eskalagarritasuna eta gauzatze posiblea bermatze aldera.

MUNDUKIDEren sare sozialetan esandakoak

  • Mundukide en Mozambique
  • Mundukide en Mozambique
  • Cooperativistas de MONDRAGON en cooperación con Mundukide
  • Cooperativistas de MONDRAGON en cooperación con Mundukide