Kooperazio kooperatiboaren hedapen aukera berriak

Mundukide Fundazioak epe luzerako programak jorratzen  ditu. Mundukideren programetan garatzen diren jarduerak urteetan luzatzen dira, batzuetan hamarkadetan. Gure ustez, kooperazioaren bidez aldezten ditugun aldaketek, beste edozein aldaketak bezala, prozesu luze eta ondo artikulatuen beharra daukate. Hala, epe luzerako konpromisook bete beharrak hartaratuta, Fundazioaren jarduera programa gutxitan bildu behar izaten dugu; azkenak, Brasil, Kuba eta Mozambiken.

2015. urtean, aurrez zeuden programen aurrerapena ikusita, eta 2013an onartutako estrategiarekin bat eginez, programa berri bat abiaraztea erabaki zuen Mundukidek, Amerikako erdialdean eta hegoaldean identifikazio prozesu bati ekinez.
Hala Kuban nola Brasilen, prestakuntza, trebakuntza eta enpresa kudeaketa nahiz kooperatibismo arloko laguntza lantzen
ditu Mundukidek.

Programa berrietan,  aritutako herrialdeetan metatutako esperientzia aprobetxatuko da. Esperientzia hau elikatzeko, aipatutako herrialdeetako erakundeek parte hartu dute, bai eta Mondragon esperientzia barruan kudeaketa eta prestakuntza arloetan esperientzia luzea duten pertsonek ere.

Identifikazioaren lehen fasea 2015 eta 2016 bitartean egin zen, herrialdeak hautatzeko azterlan baten bitartez. Azterlana ardaztu zen testuinguruaren analisian, garapen premietan eta Mundukidek herrialde desberdinetan egiten dituen jarduera moten egokitasunean. Identifikazioaren bigarren faserako Bolivia, Ekuador eta Kolonbia hautatu ziren. 2018an, Mundukide Fundazioak, lehen ekintzak ebaluatu ostean, proiektu berria edo berriak zein herrialdeetan abiarazi erabakiko du.

MUNDUKIDEren sare sozialetan esandakoak

  • Mundukide en Mozambique
  • Mundukide en Mozambique
  • O churrasco
  • Mistica e simbologia MST