Zatoz lan taldera

Mundukide, bere alderdi exekutiboan, profesional talde batek osatzen du. Profesionalok Fundazioak kontratatzen ditu, Fundazioa baita Barne Prozesuak eta Interkooperazio Programak planifikatu, koordinatu, kudeatu eta bere lidergopean eramaten dituena. Pertsona horiek bai Arrasateko egoitzarako bai Programetan in situ lan egiteko kontratatzen dira.

Mundukidek diziplina anitzeko profila duen talde bat bilatzen du, hau da, hainbat arlotan trebatutako pertsona talde bat osatu nahi du; horien artean: ingeniariak, ekonomialariak, agronomoak, soziologoak etab. Gainera, egiaztatutako eskarmentua daukaten pertsonak bilatzen dira; batetik, kooperatibagintzan, eta bereziki Mondragon Esperientzia Kooperatiboan, eskarmentua dutenak, eta bestetik, garapenerako lankidetzan eskarmentua daukatenak.

Fundazioaren balio eta printzipioak partekatu, bere gain hartu eta balio horiekin identifikatu eta koherentzian jardungo duen talde bat bilatzen da, hau da, pertsona konprometituak, arduratsuak eta Fundazioan zein Programetan aktiboki esku hartzen dutenak bilatzen dira; talde lanean jardungo dutenak eta bai pertsonalki bai eguneroko zereginetan jokaera kooperatiboak (langileak, parte hartzaileak, arduratsuak, solidarioak, lankidetzarako, partekatzeko eta etengabeko ikaskuntzarako prest) eta lankidetzazkoak (errespetua, bestearekiko berdintasunez jokatzea, apaltasuna, elkarrizketa eta konpromisoa) erakutsiko dituztenak.

MUNDUKIDE proiektuak, arlo guztietan –baita genero harremanen arloan ere– gizarte bidezkoago eta autoeratuagoen aldeko eraldaketan jardunez, bereziki kontuan hartzen du azken arlo hori proiektu hau osatzen duten pertsonen garapenean.

Testigantzak

---

Marco de Lama
(Mekanikako ingeniaria, aurretik 10 urtetik gorako eskarmentua dauka lankidetzan, Enpresa Teknikaria Brasilgo Proiektuan 2010eko ekainetik 2011ko uztailera):

“Harremana: MDKDko zuzendaritza arduratu egiten da borondatezko lankideez. Erakundeak ondo prestatutako langileak ditu eta bere jardunean kalitatea hobetzea bilatzen du. Tratua: egoitzarekin, harremana ona izan da, biziagoa 2011n 2010ean baino. Baldintzak: baldintzak bat datoz borondatezko lankideen profilarekin eta lekuan lekuko beharrekin”.

---

Celine Lopez
(Gizarte langilea, ez dauka aurretiazko eskarmenturik lankidetzan, Administraria Mozambikeko Marrupa Programan 2010eko otsailetik 2011ko maiatzera arte).

“Lehenik eta behin, esan behar dut atentzio handiena eman didana eta nabarmendu nahi dudana erakundearen espiritu kooperatibista dela. Lankideen arteko harremana, bakoitzak betetzen duen lanpostua dena delakoa dela ere, horizontala da beti, beraz, norbera berdinen artean sentitzen da uneoro. […] Bistan da Fundaziotik denok engranaje berean txertatzeko ahalegina egiten dela, modu aktiboan parte hartzen dugula sentiarazteko. Azpimarratu nahi dut Fundazioak erabateko gardentasunez eta etengabe hobetu nahian jarduten duela, eta horretarako barne nahiz kanpo ebaluazioak egiten dituela aldizka.

---