INTERES ONENAK DITUEN KREDITU KANPAINA

2012rako aurreikuspenak gogorrak badira ere, gure lanari eutsi eta planeta honetako pertsona behartsuenei laguntzen jarraitzea espero dugu. Horretarako, denon konpromisoa behar dugu.

Interkooperazio proiektuak

Oro har, 2011.a urte positiboa izan da proiektu desberdinen garapenari dagokionez. Alde batetik, bai garapen bai jarduera maila onak izan ditugu aurreko urteetatik lantzen ari garen proiektuetan, hau da, Mozambikeko Marrupa, Montepuez eta Majuneko Programetan; Brasilgo Paranako Programan, MSTrekin batera; eta Kubako Holguingo Programan, Azukrearen Ministerioarekin (MINAZ) batera.
Aipatzekoa da programa horietako batzuek oso garapen positiboa izan dutela emaitzei eta lan bolumenari dagokienez, eta batez ere Mozambikeko proiektuez ari gara, non gaur egun 2.500 pertsona baino gehiagorekin dihardugun lanean hiru proiektuetan. Beste batzuetan, berriz, Brasilen eta Kuban esaterako, hainbat zailtasun izan da 2011n; ondorioz, zenbait jarduera eta emaitza atzeratu egin da. Urte bukaerarako, Brasilen arazoak onbidean zeuden eta lan erritmo onean zebiltzan berriro. Kuban, aldiz, Proiektuko arazoak normalizatu barik zeuden, baina gaiak desblokeatze bidean zeuden 2012an normaltasunez lan egin ahal izateko.

Aipatzekoa da, baita ere, 2011n proiektu berriak hasi zirela. Alde batetik, Brasilen proiektu berri bat hasi da MSTrekin batera, Sergipeko estatuan, Brasilgo ipar-ekialdeko eskualde batean. Bestalde, 2012ko hasieran Mozambiken laugarren proiektu batekin hasteko azpiegitura muntatu eta antolatzea lortu da. Azkenik, analisi eta identifikazio lanak egin dira 2012an zehar Afrikako beste herrialde batean proiektu berri bati ekiteko.

Lantaldea

Egoitzan diharduen pertsona taldeaz aparte, 2011n lankideen talde osoa aldatu da ordezkapenen eta lanean hasi berrien ondorioz. Aldaketa horiekin, baina, lankide horietako batzuk proiektu batetik bestera pasatzea lortu da eta lehenago gurekin beste proiektu batzuetan lan egindako pertsona batzuk berriz geureganatu ditugu. Horri guztiari esker, 2011ren bukaeran ohartu gara bai lankidetzan bai gure proiektuetan eskarmentu handia daukan pertsona talde bat dugula gurean; pertsona horiek, gainera, inplikazio eta konpromiso maila altua daukate eta gurekin hainbat urte egoteko prest daude.
Gainera, 2011n antolamenduaren kulturarekin lotutako aspektuak landu dira, genero ekitatearen aldeko hausnarketa amaitu da, gestioari eta lan tresnei buruzko barne prozesuak garatu dira etab.

2011. urteari profesionaltasun handiko pertsona talde batekin eman diogu amaiera, izan ere, esperientzia handiko taldea da, ondo antolatua eta gure misioarekin konprometitua, eta horixe da, gure ustez, proiektuen eta Mundukideren arrakastarako funtsezko oinarria.
Hala ere, gure erronka da maila horretara iristea boluntarioei dagokienez ere. Mundukiden 30 boluntario badaukagu ere –bakoitza bere dedikazioarekin eta zereginarekin–, 2012rako helburu bat boluntarioen parte hartzea hobetu eta handitzea da.

Finantzaketa

Gure jardueraren finantzaketari dagokionez, krisi egoera eta Herri Administrazioan izandako murrizketak gorabehera, 2011. urtea ez dugu gaizki bukatu. Gainera, aurreko atalean adierazi dugun legez, krisi testuinguru honetan proiektu berriak abiarazi ahal izan ditugu, eta horrekin erakutsi dugu, duela urtebete esan genuen bezala, iragan urteetan inbertitutako denborak eta diruak fruituak eman dituztela.

Lorpen horren zati handi bat Mundukiderekin lankidetzan diharduten kooperatiben konpromisoari eta inplikazioari zor zaio. Kooperatiba horiek beren konpromisoari eutsi diote 2011n zehar, izan ere, kooperatiba guztion artean 400.000 eurotik gora jarri dute, gogoan ditugun azken urte oparoetan baino askoz ere gehiago erlatiboki.
Kooperatiben laguntzari, GGKE laguntzaileei, norbanakoei eta Mundukidek egindako diru laguntzen gestioari esker, urtea jarduera guztiei eutsiz eta egoera ekonomiko positibo batekin bukatzea lortu dugu.Hala ere, 2012. urtea 2011.a baino larriagoa izan behar da finantzaketari dagokionez. Gure egoera ona bada ere, testuingurua erabat aldatu da diru laguntza publikoak eskuratzeko aukerei dagokienez, eta gaur egun laguntza horiek dira proiektuak finantzatzeko funtsezko oinarria. Garapenerako lankidetzako aurrekontuetan izandako murrizketen ondorioz, eta autonomia erkidego askotan halako funtsak desagertzearen ondorioz, ikusten da 2012ko agertokia guztiz konplexua eta lehia handikoa izango dela.

Lana eta konpromisoa

Egoera honen aurrean, gogor lan egitea eta kausa honekin konpromisoa hartzea beste erremediorik ez daukagu. Lan eginez, datozen urteetan erronkak eta egoerak gainditu ahal izango ditugula uste dugu, eta hala, gure misioa bete eta planeta honetako behartsuenei laguntzen jarraitu ahal izango dugu. Honek guztiak merezi duela uste duten erakunde eta pertsona guztien konpromisoa bizirik mantenduko dela espero dugu.

Lan taldean landu eta aztertu beharreko gaiak izan ziren hizpide nagusi eta saio berezi bezala, Arrasateko kooperatibetako sortzaileetariko bat den Alfonso Gorroñogoitiarekin elkarrizketatzeko aukera izan genuen.

Errealitate ezberdinetatik gatozen eta errealitate ezberdinetan lanean ari garen pertsonak, Udalaitz mendiaren magalean; Frantzia, Elche, Madril, Salamanca, Asturias, Santander, Bilbo, Iruña, Hondarribi, Donostia, Orereta, Lasarte, Ondarru eta Debagoienakoak.

Aniztasun asko, ilusio ugari, baina norabide bat eta tinkoa Mundukideko filosofia eta ildoari dagokionez.

Etsipen eta nekea egunero ikusten duten pertsonak direlako edo…. batera egondako egun hauetan, energia baikorra nabarmendu zen momentu oro, lanean jarraitu beharra azpimarratuz, emaitza nabarmena delako eta denon artean pertsona askoren bizitza hobetzen ari garelako.

Marrupako nekazarien ekonomiari bultzada emateko, Mundukidek Euskadiko Kutxaren laguntzari esker, martxan jarri duen kanpainaren izena da, “Eman zure kreditua orain!”

Orain 10 urte hasi zen Mundukide Marrupan mikrokredituen sistema erabiltzen. Gaurdaino bizirik eta osasuntsu iritsi den aktibitateak gero eta arrakasta handiagoa du Marrupako nekazarien artean.

Egunotan Euskadiko Kutxaren bulegoren batetara joanez gero, bertan izango dituzu ekarpena egiteko eskuorriak edo eta hemen azpikaldean agertzen den kontu korronte zenbakian ere eman ahal izango duzu laguntza.

Orain duzu aukera Marrupako nekazariari kreditu bat emateko eta bere bizitza duinagoa izan dadin, Mundukiderekin elkarlanean aritzeko.

Euskadiko Kutxa 3035 0001 56 0010122192

Inprimatu izen-emate orria

Marrupa • Mozanbike iparraldea • munduko 4. herrialde pobreena • 58.700 biztanle • 44 urte arteko bizi itxaropena • urtean 100 € edukitzera iristen ez diren familiak • nekazaritza da ekintza nagusia •

Zertarako erabiltzen dute kreditua?

• Ereite-aroan eskulana ordaintzeko.
• Haziak, landareak eta animaliak erosteko.
• Ureztatze, kanalizazioak, etab…hobetzeko.

Kredituaren ezaugarriak

• Bezeroak: Marrupako nekazariak.
• Kopurua: 20-225 € artean
• Interes mota: %0 lehenengo 5 hilabetetan / %1urtea bete arte
• Itzultze tasa: %90a

*Kredituetako diru itzulpenak eta kanpaina honetan jasotako ekarpenak, Marrupa programako lanetan berrerabiliko dira.

http://www.mundukide.org/darphin/2011/11/14/apertura-da-campanha-agricola-em-mocambique/

Itzulpena

Urrian zehar ematen zaio hasiera nekazal kanpainari Mozambiken. Momentu honetan hasten dira baserritarrak baratzeak gertatzen, azaroan edo abenduan iritsiko diren euriei itxaronaz.

Mozanbike osoan ospatzen da nekazal kanpainaren hasiera eta urriak 23rako, probintzia mailan (Niassa probintzia) antolatzen den azoka batera gonbidatu gintuzten.

Mundukidek Niassan duen lan talde osoa joan ginen :Jonathan, Adrian, Juanjo, May , Unax eta ni. Gurekin batera Marrupako eta Majuneko 7 nekazari etorri ziren, saltzeko zituzten hainbat produkturekin; tipula, berakatza, azenarioa, berenjena eta letxugak.

Urriak 22, larunbatean iritsi ginen Muembeko azokara . Kontzertu bat eta bazkari bat antolaturik zegoelakoan ginen, baina ez zen ez kontzerturik, ez bazkaririk izan, baina bai lan-talde giro bikaina.

Hurrengo egunean, Mundukideko standa jarri genuen eta nekazariek beraiena jarri zuten produktu ugarirekin.

Goiza, nahiko astuna izan zen, bero handia egiten zuelako eta kiskalduta gelditu ginelako gobernadoreari eta kanpo komertzioko ministroari noiz etorriko itxaroten. Agintarien bisita expressa pasa eta gero, beste stand batzuk bisitatzeko aukera izan genuen, nekazariek produktuak saltzen ahalegintzen ziren bitartean.

Interesgarria izan zen beste stand batzuk ikustea eta nekazal kanpainaren irekiera eguna nolakoa zen jakitea, baina bestalde desilusioa hartu genuen nekazariek ez zutelako ezer saldu.Hala ere esperientzia orokorra bikaina izan zen!

Igande arratsaldean, Lichinga hiribururantz bueltatu ginen (ordubetera) batzuk eta Marrupara beste batzuk (5 ordu).

Hurrengo astean bailara mailan izan genuen kanpaina irekieraren ekitaldia. Berriz ere gobernadorea etorri zelarik eta akats barik lortu zuen Mundukide hitza aipatzea, batera gaudela erakutsiz. Azkarragoa izan zen dena eta baratz bat ikusten joan ginen gobernadore eta nekazari batzuekin. Baratzean hitz batzuk esan zituen gobernadoreak Mundukideren lana eskertuaz eta nekazariak batera lan egitera animatuaz.

Beste berri bat: jadanik gurekin dira, datorren astetik aurrera, arroz kanpainan nekazariekin sailetan arituko diren 24 nekazal aditu, beraz zortea eta indarra beraientzat eta ongi etorri!

Laster arte.

Laura.

Maitane Baskaran, Brasilen Eroski-Mundukide hitzarmenari esker

Maitane Baskaran Eroskiko bazkidea eta langilea da. Eroskiko Departamentu Juridikoan lan egiten du eta 2010 eta 2011 bitartean 12 hilabetez egon da Brasilen, Mundukidek eta Lankik, MSTrekin (Lurrik Gabeko Nekazarien Mugimendua) batera, sustatzen duten “Garapen Sozioekonomikorako Programan” lankidetzan jardunez, Paranako estatuan, Eroski Koop. Elkartearen eta Mundukide Fundazioaren artean izenpetutako hitzarmenaren bidez.

Hitzarmenaren filosofia ezin hobeto uztartzen da Interkooperazio Sistemaren ideiarekin, hau da, Eroskiren esperientzia halako esperientzien premian dauden hegoaldeko kolektiboekin partekatzeko ideiarekin. Aldi berean, Euskadiko kooperatibistek beste errealitate batzuk eta beste esperientzia batzuk ezagutu eta lankidetza proiektuetan parte har dezakete.

Hitzarmenaren helburua hauxe zen: MSTko kanpatzaileen eta, hedaduraz, eskualdeko kontsumitzaileen beharrei erantzungo dien supermerkatu sare bat garatzen laguntzea, kontsumo balio arduratsuak sustatuz.

2010eko maiatzetik 2011ko apirilera arte, Eroskiko bazkideak, Mundukideko pertsona taldearekin batera, hainbat ekintzatan lagundu eta bultzagile lana egin du jarraian datozen lan arloetan eta, bien bitartean, jarduera horiekin lotutako MSTko gizon-emakumeak prestatzeko eta gaitzeko aprobetxatu du:

• Lehendik zegoen supermerkatuari laguntzea: PG2010 eta PG2011 zehaztuta, Gestio Planaren eredu bat osatu da eta tresna horretan oinarritu izanak jarraipena egiten eta erabakiak hartzen lagundu du; jardueraren emaitzetan hobera egin da, eta Gestio Planean jasotako aurreikuspenak hobetu ere egin dira; jarduerarako merkataritza ekintza berriak sustatu dira (3×2, zozketak etab.); merkataritzako negoziazioak babestu dira, dinamikak eta negoziazio estrategiak aldatuz etab.
• Nekazaritza eta albaitaritzari laguntzea: nekazaritza eta albaitaritzako denda kudeatu eta kontrolatzeko sistemak supermerkatuarenekin integratu dira; dendako arduradunei prestakuntza eman zaie, irizpideak ezarri dira eta erosketa, stocka eta produktuen salmenta antolatu dira, besteak beste.
• Kooperatiba eta zabalkunde proposamenak: supermerkatu berriak irekitzeko proposamenei buruzko azterketa eta analisiak osatu dira. Bideragarritasun Planak, kontsumo kooperatibak sortzera bideratutako sozietate proposamenak eta merkatu ereduei eta etorkizuneko hazkundeari buruzko proposamenak landu dira.
• Maitaneren profila aprobetxatuz, babes juridikoa eman da hainbat gaitan, hala nola Coproterra kooperatibaren legeztatzean, jardueren gaineko kontuen legeztatzean, esnea produzitzeko ekoizle elkarte baten estatutu proposamenaren lanketan, esne ekoizleen zentralerako estatutu proposamenaren lanketan eta abarretan.

Maite Baskaran
(Eroskiko bazkide langilea)

Paranara joan zen urtebeterako. Supermerkatuetan hobekuntzak bideratzeaz gain arlo juridikoan ere aholkularitza eskaini du.

Nola bilatu zenuen supermerkatua eta nola utzi duzu ?

Supermerkatua oso ondo zegoen, egin nuen auditorian aldaketa edo hobekuntza proposamen gutxi agertu ziren. Nabarmendu beharreko gaitzik handienak prozesu faltak eta promozio falta izan ziren. Horregaitik, urte honetan zehar prozesuak idazten eta eguneroko salmenten ikerkuntzan igaro dugu. Egin den gauzarik garrantzitsuenetan hornitzeileekin negoziazio prozesua aldatzea eta promozio plangintza bat daude. Hornitzaileekin negoziazioari dagokionez, gure saltokiaren errentagarritasuna lortu dugu, distribuzioan normalak diren kondizioak jarriz baita ere 2 puntuko igoera lortuz margen atipikoan. Eta promozio plangintzari dagokionez, gure beharretan oinarriturik, promozio edota eskaintza ezberdinak egin ditugu, hauen balorazioa oso ona izanik gure bezeroen aldetik.

Zein da supermerkatuan ikusi duzun gabeziarik handiena ?

Inbertsio plangintza bat beharrezkoa da baita ere hazkunde prozedura bat.

Eta puntu fuertea ?

Brasilgo egoera ekonomikoak sekulako aukerak ematen ditu, hau da, krisi ekonomikoak inzidentzi txikiagoa izan du biztanleengan eta beraien errentek ez dute aldaketa handirik somatu. Gainera, konpetentzi gutxi dago eta dagoena errez gainditu dezakegu nolabaiteko profesionaltasuna eta bezeroarengan arreta jarriz.

Nola baloratuko zenuke Eroskik egin duen apostua kooperazioan ? beharrezkoa da?

Nire ustez oso interesgarria da Eroski kooperatibaren aportazioa. Eroskik daukan esperientzia, bere historian oinarritua, merkatuen hazkunde arina baimendu dezake eta gainera konpentziak egiten duena baino azkarrago. Brasildarrak gauzak ondo egiten dakizkite baina funtsekoa da, gauzak arinago eta modu egokiago batean egitea, eta horretarao balio du eta lagundu diezaiokegu gure urte askotako esperientziarekin.

Animatuko zenituzke beste kooperatiba batzu Mundukiderekin batera kooperazioan parte hartzera?

Kooperatibagintzaren filosofia elkarlana da orokorrean. Kooperatibagintzak dituen baloreak erakusteaz gain, taldelana, irabazien bidezko banaketa, etb…, Montragon taldeak badauka “altxor” ikaragarria 50 urtetan zehar bilduaz joan dena, momentu hauetan esperientzia hori behar duten komunitate eta herriekin banatu ahal izateko.